• BIST 95.282
  • Altın 262,623
  • Dolar 5,8047
  • Euro 6,6085
  • İstanbul 31 °C
  • Ankara 30 °C
  • Tunceli 34 °C

BERKİN ELVAN KAMO? U ZU/JU DOMAN Bİ.

Haydar ŞAHİN


Berkin tawao ke poles na pıra des u çar serre bi! Eke merd, kut bi des u ponc serri.

Guna domanana, poles bo, senê gonêwer bo ki mordem ebe çêke  neoncê keşi. Qender ebe çapol era domanu ser nêno.

Sarê Estamoli verba duvara(Siyasetê) Hukmati veciya ra alange (meydan) protesto kerd. Serverê Partiya AKP Erdoğan u Hukumat ra pia; Poles ramıt zav  u jeç u cêniyu, camerdu, xort u azebu ser. Ceylan Önkol çıkê biye? Ju damenê biye, cori guna de daê çine biye! hama eskeri sekerd? Ebe roketê na pıra kiste. Ju saro ke bıne lapanê sarê bini dero, ju dino ke bınê bandıra dine nindero, dine re ki serbestiye lazıma. Dinê re boma, çeke lazım niaya! Ebe Zor u zop kar kerdêne çiyo de rınd niyo, karê insanêni u huquqi niyo.

Estamol de tharba polesi ver zafê teni bi dırbetın, zafê teni nızelnay (kerdi seqet), zafê teni eşti zerre. Çıturi ke ju mordem yemê roy ra beno newes, kam ke yeno verê çımu, inê pêroyine xo re dısmen vinêno, Serwejirê hukumati u Poles Dewleta tırki inê pêroyine xo re dısmen di.  Cokera zaf bi zalım, xo’be – xo  Sarê ke  Tırkiya de estê pêro xo re dısmên di.  Kamo ke yêmê/hetê di neguret pêro dısmênê.

Domanu Terorist vineno, juyo ke rey cı nedo, welatkar (vatandaş) nevineno, juyo ke hukumati u Erdoğan sero çiye nust karê xo ra beno. Ebe vatena hukmati; cêniu pêroyinê kenê bınê paçu, wazenê ke ebe hal cêni bınê vatêna camerdu kerê.

Poles domanê feqir fıqareyê, hama ni domani hin xapnenê, Xapinê ke, ni domani benê dısmenê ma u piê xo, bênê dısmenê bıraanê xo, benê dısmênê feqıranê je xo. Çıke zaf newanênê, dina sero heqê insanu, huquqê insanu ser tawa nemusênê. Ya idolojiye Dewltê yan ki idoloji partiye ser benê dısmênê feqır u fıqarey. İnsano sivil, gunê verba hukumatê neheqi bêro, insano sivil gune heqa xo alange (meydan) de, biaro ra zon. Na alange (meydan) de serba heqa xo, veciyoro rau, xo bımusno, heşiriya xo biyaro ra zon.

Demokrasi hem serba insanê sıvıli zaf lazıma. Heqê sae kerdêne, hem poles re, sawci re,Musêri (telebi), hem Musnêri (malimi) re, herkeşi re lazıma. Cokera herkes serba demokrasi u huquqi tedey bıkero.

Qereçarseme u hawtamalê sıma u newrocê pêroyine bımbarek bo.

Heyder Şahin

Bu yazı toplam 11280 defa okunmuştur.
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.
Bu yazıya henüz yorum eklenmemiştir.
Yazarın Diğer Yazıları
Tüm Hakları Saklıdır © 2006-2018 Dersim Haber | İzinsiz ve kaynak gösterilmeden yayınlanamaz.
Tel : 0 (428) 212 10 16 | Faks : 0 (428) 212 10 16 | Haber Scripti: CM Bilişim